گوتم نے آتشی کی جانب سے ان کے خلاف مجرمانہ شکایت درج کرائے جانے کے بارے میں کہا کہ جب کسی پارٹی یا رہنما کا نطریہ ٹھیک نہیں ہوتا تو وہ اپنی ناکامی کو چھپانے کے لیے اس طرح کے الزامات لگاتے ہیں۔
بی جے پی رہنما گوتم گمبھیر نے کہا کہ یہ منفی سیاست ہے اس طرح کی کسی بھی شکایت پر الیکشن کمیشن کو فیصلہ کرنا ہے۔
دوسری جانب آتشی نے دعوی کیا ہے کہ گمبھیر کے پاس دو ووٹر کارڈ ہیں اور اسی بات کو لے کر انہوں نے بی جے پی امیدوار کے خلاف مجرمانہ شکایت درج کرائی ہے۔
آپ رہنما نے بغیر اجازت کے ریلی کرنے کو لے کر بھی گمبھیر کی شکایت کی ہے اور کہا ہے کہ وہ قوانین کی خلاف ورزی کر رہے ہیں۔
ادھر بی جے پی رہنما نے کہا ہے کہ وہ انتخابی مہم میں تمام طریقہ کار پر عمل کر رہے ہیں اور آپ رہنما مایوسی کی وجہ شکایت کر رہی ہیں کیونکہ ان کے رہنماوں کے پاس اور کوئی کام نہیں ہے۔
آتشی نے دعوی کیا ہے کہ گوتم گمبھیر کا نام قرول باغ اور راجندر نگر دونوں اسمبلی حلقوں میں ووٹر کے طور پر درج ہے۔
انہوں نے کہا ہے کہ عوامی نمائندگی ایکٹ 1950 کی دفعہ 17 کے مطابق، کوئی بھی شخص دو اسمبلی حلقوں سے ووٹر نہیں رکھ سکتا۔ ایکٹ کی دفعہ 31 میں التزام ہے کہ ووٹر لسٹ میں نام کے بارے میں غلط معلومات دینے پر ایک سال تک کی سزا ہو سکتی ہے۔
آپ امیدوار آتشی نے کہا ہے کہ نامزدگی کے وقت الیکشن افسر کو دیئے گئے حلف نامہ میں گوتم گمبھیر نے یہ معلومات چھپائی ہے۔
