بالی ووڈ فلموں میں متعدد مشہور گیتوں کے خالق جاوید اختر کہا ہے کہ راجستھان میں بھی لمبے گھونگھٹ پہننے کی روایت ہے۔ اس طرح کے گھونگھٹ پہننے کی روایت پر پہلے پابندی لگنی چاہیے۔
دراصل پڑوسی ملک سری لنکا میں دہشت گردی کے حملے کے بعد برقعہ پر پابندی لگنے کی خبر سامنے آئی ہے ۔اس کےبعد ملک میں کچھ تنظیموں نے برقعہ پر بھی پابندی عائد کرنے کا مطالبہ کیا ہے۔ اس تعلق سے اختر سے سوال پوچھا گیا تھا۔ جاویداختر نے اس سوال کے جواب میں کہا کہ برقع پر پابندی سے پہلے راجستھان میں انتخابات کے دوران گھونگھٹ پر بھی پابندی لگنی چاہیے۔
انہوں نے خود کو کانگریس سے بھی الگ بتایا اور کہا کہ موجودہ لوک سبھا انتخابات کافی اہم ہے اور یہ ملک کے سمت کو طئے کرے گا۔ انہوں نے کہا کہ یہ ملک تنوع والا ہے اور یہاں پر اتحاد ہونا چاہے۔ ملک کا وجود ہمیشہ قائم رہے گا اور سیاسی رہنما آتے جاتے رہیں گے۔
