واضح رہے کہ اسٹار کرکٹر مہندر سنگھ دھونی نے آئی سی سی کرکٹ ورلڈ کپ میں جنوبی افریقہ کے خلاف کھیلے گئے پہلے میچ میں فوج کے نشان والے دستانے پہنے تھے۔
بین الاقوامی کرکٹ کونسل نے دھونی اور بی سی سی آئی پر اس عمل کے خلاف اعتراض ظاہر کرتے ہوئے فوج کے نشان کو دستانوں سے ہٹانے کیلئے کہا ہے، جس پر بھارت میں سیاست شروع ہوگئی ہے۔
جموں کے پریس کلب میں بجرنگ دل کے کارکنوں نے بین الاقوامی کرکٹ کونسل کے خلاف نعرہ بازی کرتے ہوئے احتجاج کیا۔
اس موقع پر ذرائع ابلاغ کے نمائندوں کے ساتھ بات کرتے ہوئے بجرنگ دل کے صوبائی صدر راکیش کا کہنا تھا کہ ’’بین الاقوامی کرکٹ کونسل نے ایک سازش کے تحت ہندوستانی بلے باز مہندر سنگھ دھونی کے خلاف کارروائی کرنے کا مطالبہ کیا ہے۔‘‘
بجرنگ دل کے کارکنوں نے مرکزی سرکار سے اپیل کی کہ وہ اس مسئلے کے تئیں اپنا رول ادا کرتے ہوئے بی سی سی آئی پر دباؤ بنائے رکھے تاکہ وہ بین الاقوامی کرکٹ کونسل کی شرط پر عمل پیرا نہ ہوں۔
قابل ذکر ہے کہ آئی سی سی قانون کے مطابق کھلاڑی بین الاقوامی میچ کے دوران اپنے کپڑوں یا دیگر چیزوں پر سیاست، مذہب یا نسل پرستانہ پیغامات یا نشانات کا استعمال نہیں کر سکتے۔
