ریاست جموں و کشمیر کے ضلع رامبن اور کولگام میں زمینی سطح پر عوام تک رسائی اور ان کے مسائل کو حل کرنے کے لیے چلائی جارہی 'بیک ٹو ولیج' نامی مہم تیسرے مرحلے میں پہنچ گئی ہے جس کا جائزہ رامبن کے ضلع ترقیاتی کمشنر شوکت اعجاز بھٹ اور کولگام کے کمشنر ڈاکٹر شمیم احمد وانی نے لیا۔
ڈاکٹر شمیم احمد نے میڈیا سے بات کرتے ہوئے کہا کہ 57 پنچایتوں میں پروگرام کیا گیا جبکہ دوسرے مرحلے میں 66 پنچایتوں میں پروگرام کیے گئے۔
اسی طرح سے ضلع میں تیسرے مرحلے کے پیش نظر 55 گاؤں میں پرگرام جارہی ہے، انہوں نے کہا کہ لوگ بھی ہمارا تعاون کررہے ہیں۔
وہیں دوسری جانب رامبن کے ضلع ترقیاتی کمشنر شوکت اعجاز بھٹ نے 32 پنچایتوں بلاک رامسو اور بلاک اکھڑہال کا جائزہ لیا۔
واضح رہے کہ دورے کے دوران ان کے ہمراہ محکمہ دیہی ترقی کے اسٹنٹ کمشنر (اے سی ڈی) ظفر احمد بانڈے، بی ڈی اوز اور دوسرے محکمہ دیہی ترقی کے افسران تھے۔
بیک ٹو ولیج پروگرام کے تحت منتخب افسران نے تیسرے اور آخری مرحلے میں پنچایتوں کا دورہ کیا، اور عوام کو درپیش مسائل سنے۔
واضح رہے کہ یہ مہم ریاست بھر میں 20 سے 27 جون تک جاری رہے گی۔
خط چناب کے ضلع رامبن میں جاری اس مہم کے دوران عوام نے منتخب افراد کو اپنے اپنے علاقہ سے متعلق پریشانیوں، اور بینادی ضروریات کی عدم دستیابی اور دیگر مسائل سے متعلقہ افسران کو باخبر کیا۔
ریاست بھر میں بیک ٹو ولیج مہم کے دوران پسماندہ علاقے کے دورے پر آئے ہوئے ضلع ترقیاتی کمشنر میڈیا نمائندوں سے بات کرتے ہوئے کہا کہ 'عوام کی شکایات کی تفصیلی رپورٹ بنائی جائے گی، اور جن شکایات کو ضلع سطح پر نپٹایا جاسکتا ہے ان پر ضلع سطح پر ہی کارروائی کی جائے گی، اور ریاستی سطح کی مشکلات کو ریاستی انتظامیہ کے پاس پہنچایا جائے گا'۔
