اورنگ آباد ریلوے اسٹیشن کے پلیٹ فارم نمبر دو پر لگے بورڈ کا نام مٹایا گیا اور ساتھ ہی اس پر سنبھاجی نگر کا پوسٹر لگایا گیا۔
شرپسندوں نے اس کی ویڈیو بناکر وائرل بھی کیا۔ جس کی وجہ سے شہر میں مزید کشیدگی پھیل گئی۔
ایم آئی ایم کا کہنا ہے کہ پارلیمانی انتخابات میں فرقہ پرستوں کو شکست ہونے سے وہ بوکھلا گئے ہیں اور کسی صورت میں شہر کے حالات بگاڑنے کی کوشش میں ہے۔
تاہم پولیس کی یقین دہانی اور ایف آئی آر درج ہونے کے بعد ایم آئی ایم نے شہریوں سے امن و امان کی برقراری کی اپیل کی، ریلوے اسٹیشن کے منیجر جاکڑے نے صحافیوں کو بتایا کہ ریلوے اسٹیشن کی سکیورٹی کو یقینی بنانے کے لیے مزید سی سی ٹی وی کیمرے نصب کیے جائیں گے ۔
اورنگ آباد تبدیلی نام کا تنازع برسوں پرانا ہے فرقہ پرست پارٹی اسی تنازع سے اپنے سیاسی مفادات حاصل کرتی رہی لیکن اب سیاسی منظر نامہ بدل جانے سے فرقہ پرست طاقتیں پھر سے متنازعہ موضوعات کو ہوا دینے کے درپے ہیں لیکن شہر کے امن پسند شہریان نے صبر وتحمل کا مظاہرہ کرکے فرقہ پرستوں کی اس چال کو ایک طرح سے ناکام کردیا ۔
اورنگ آباد پولیس کمشنر نے بتایا کہ اس معاملے سے متعلق دو افراد کو گرفتار گیا ہے۔
