ریاست اترپردیش کے شہر امیٹھی میں بی جے پی رہنما اور برولیا کے پردھان سریندر پرتاپ سنگھ کے کلیدی ملزم وسیم کو امیٹھی پولیس نے گذشتہ شب ایک تصادم میں گرفتار کرلیا گیا ہے۔
تصادم میں ملزم وسیم کو پاؤں میں گولی لگی تھی، جس کا علاج ہسپتال میں چل رہا ہے، علاج کے سبب وسیم کو سخت سکیورٹی میں عدالت لے جایا جائے گا، جبکہ تصادم میں انسپیکٹر راجیو سنگھ کو گولی چھوتے ہوئے گزر گئی، لیکن ان کی حالت مستحکم بتائی جارہی ہے۔
واضح رہے کہ 25 مئی کو سریندر پرتاپ سنگھ اپنے گھر کے باہر سورہے تھے، جہاں ان کو بدمعاشوں نے گولی مار کر ہلاک کردیا تھا۔
خیال رہے کہ سریندر پرتاپ سنگھ کو لوک سبھا انتخابات میں امیٹھی سے راہل گاندھی کو شکست دیکر جیت حاصل کرنے والی سمرتی ایرانی کے قریبی بتائے جاتے ہیں۔
واضح رہے کہ برولیا گاؤں کو گوا کے سابق وزیراعلی منوہر پریکر نے گود لے رکھا تھا، جس کے پردھان سریندر پرتاپ سنگھ تھے۔
واضح رہے کہ سریندر سنگھ کے بیٹے ابھے نے کانگریس پر الزام عائد کرتے ہوئے کہا ہے کہ ہم نے قاتلوں کو نہیں دیکھا مگر اس کے پیچھے کانگریس کے کارکنوں کا ہاتھ ہے۔
