سکیورٹی فورسز نے یہاں بیان جاری کرکے بتایا کہ صوبہ خوست کے ضلع نادر شاہ کوٹ میں ہفتے کی صبح نیشنل آرمی اسپیشل آپریشن کور کی مہم میں حقانی نیٹ ورک کے دو شدت پسند مارے گئے جبکہ چھ شدت پسند کو گرفتار کر لیا گیا۔ گرفتار شدت پسندوں کو مقامی فوجی کیمپ لے جایا گیا ہے۔
طالبان سے منسلک حقانی نیٹ ورک مشرقی صوبوں اور دارالحکومت میں فعال ہیں۔ اس شدت پسند تنظیم نے سکیورٹی فورسز کے خلاف کئی سنسنی خیز حملوں کو انجام دیئے ہیں۔
اطلاع کے مطابق خصوصی سکیورٹی فورسز نے صوبہ غزنی کے ضلع نویٰ میں دو طالبان شدت پسند کو گرفتار کیا ہے۔ جمعہ کو دیر شام پڑوس کے صوبہ ننگرہار کے ضلع شیرزاد میں سکیورٹی فورسز کی جانب کیے گئے فضائی حملے میں طالبان کے آٹھ شدت پسند مارے گئے۔
افغان سکیورٹی فورسز نے ناٹو قیادت والی اتحادی افواج کے تعاون سے شدت پسندوں کے خلاف زمینی اور ہوائی کارروائی تیز کردی ہے، اسی کارروائی کے تحت سکیورٹی فورسز نے یہ کامیابی حاصل کی ہے۔
شدت پسند تنظیموں نے اب تک سکیورٹی فورسز کی جانب سے کی گئی کارروائی پر کسی رد عمل کا اظہار نہیں کیا ہے۔
