عابد علی سچن کی بیٹنگ تکنیک کو فالو کرنے کی کوشش کرتے ہیں۔ عابد نے کہا کہ اگر انگلینڈ میں منعقد ہونے والے عالمی کپ کے دوران میری ان سے ملاقات ہوئی تو میرے لیے یہ بہت خوشی کا دن ہوگا۔
عابد علی نے کہا کہ تندولکر عظیم کھلاڑی ہیں اور بڑا کھلاڑی نوجوانوں کو سکھانے کی کوشش کرتا ہے ، اس لئے ایسا ممکن نہیں کہ میں تندولکر سے بات چیت کرنے کی کوشش کروں اور وہ مجھ سے بات کرنے سے انکار کردیں۔
اوپننگ بلے باز نے کہا کہ ویسٹ انڈیز کے ووین رچرڈ سمیت دنیا کے دوسرے عظیم کھلاڑیوں سے بھی ملنا چاہوں گا۔ انہوں نے کہا کہ سلیکٹر اور ٹیم مینجمنٹ نے مجھ پر جس اعتماد کا اظہار کیا ہے ، اس پر پورا اترنے کی کوشش کروں گا ،میں نے زندگی میں کبھی ہار نہیں مانی۔ورلڈ کپ کے دوران ایسی پرفارمنس دینے کی کوشش کروں گا کہ جس کا مجموعی طور پر فائدہ ٹیم کو ہو۔
