کولاب گور گاؤں سے تعلق رکھنے والی مادھوری نے 30 اپریل کو ایک لڑکی کو جنم دیا تھا۔ بچی کو یرقان کے علاج کی غرض سے 3 مئی کو ہاسپٹل میں داخل کرایا گیا تھا۔
منگل کو ہاسپٹل کی ملازمہ نے دودھ پلانے کےلیے لڑکی کو کسی دوسری خاتون کے حوالہ کردیا۔ جب مادھوری نے لڑکی کے بارے میں دریافت کیا تو پتہ چلا کہ لڑکی ہاسپٹل میں نہیں ہے۔ لڑکی کے غائب ہونے کی اطلاع پر رشتہ داروں نے ہاسپٹل میں توڑ پھوڑ کی اور انتظامیہ کے خلاف احتجاج کیا۔
مادھوی نے ہاسپٹل کی ملازمہ پر الزام عائد کیا کہ اس نے جان بوجھ کر بچہ کو کسی دوسری خاتون کے حوالہ کردیا ہے۔ پولیس مصروف تحقیقات ہے۔
