پولیس کے مطابق پلاتھرا اے یو پی اسکول میں واقع پولنگ بوتھ کے یوڈیایف پولنگ ایجنٹ وی ٹی وی پدنابھن اوراسی اسکول کے پولنگ بوتھ نمبر 19 کی خاتون ووٹر کے جی شالیت سبسٹین کے گھروں میں بم سے حملے کئے گئے۔ اس علاقے میں اتوار کو دوبارہ ووٹنگ ہوئی تھی۔
گزشتہ 23 اپریل کو ہوئی ووٹنگ میں فرضی ووٹنگ کی شکایت ملنے کے بعد یہاں اتوار کو ساتویں اور آخری مرحلے کے انتخابات کے دوران دوبارہ ووٹنگ کرائی گئی تھی۔
پولیس نے دونوں واقعات میں الگ الگ ایف آئی آر درج کی ہیں اور حملہ آوروں کی گرفتاری کےلیے کاروائی کی جارہی ہے۔
دوبارہ ووٹنگ کے دوران یو ڈی ایف امیدوار راج موہن انی تھان نے ووٹ ڈالنے کےلیے قطار میں کھڑی شالیت سے بات چیت کی تھی جس پر مارکسی کمیونسٹ پارٹی کے کارکنان نے سوال کھڑا کرتے ہوئے یو ڈی ایف امیدوار پر پولنگ بوتھ کے اندر تشہیر کرنے اور اس پرضابطہ اخلاق کی خلاف ورزی کرنے کا الزام لگایا تھا۔
بائیں محاذ کے کارکنان کی مخالفت کی وجہ سے شالیت کو ووٹنگ کے بعد پولیس کی حفاظت میں گھر بھیجا گیا۔
گزشتہ 23 اپریل کووہ اپنا ووٹ نہیں دے پائیں تھیں کیونکہ ان کی جگہ پر کسی اور نے ووٹ ڈال دیاتھا۔
اس دوران کانگریس کی قیادت والی یو ڈی ایف نے الزام لگایا کہ ان بم حملوں کے پیچھے سی پی ایم کارکنان کا ہاتھ ہے۔
