آل انڈیا میڈیکل سائنسز (ایمس) اور رام منوہر لوہیا ہسپتال میں پی ایم کیئر فنڈس سے دو پلانٹ تیار کیے گئے ہیں۔
بدھ کی دیر شام کو یہ دونوں پلانٹ سے مریضوں کے لیے آکسیجن پہنچانے کا کام کیا جائے گا۔ کورونا کے بڑھتے مریضوں اور چہار جانب تنقید کا سامنے کرنے کے بعد حکومت نے یہ قدم اٹھایا ہے۔
واضح رہے کہ دہلی کے پرائیویٹ ہسپتال بترا ہسپتال میں گزشتہ دنوں اچانک آکسیجن ختم ہوجانے سے 25 سے زائد مریضوں کی موت ہوگئی تھی۔ اسی طرح سے دہلی کے دوسرے ہسپتالوں میں بھی یہی کیفیت دیکھنے کو ملی تھی۔ ابھی بھی دہلی میں کورونا وائرس متاثرین کی ہسپتالوں میں زبردست بھیڑ ہے، بیماری کم ہونے کا نام نہیں لے رہی ہے اور ہر ہسپتال فل چل رہے ہیں۔ نئے مریضوں کو ہسپتال لینے سے منع کررہے ہیں۔
