شاہ رخ خان کے مداح اس خبر سے کافی مایوس ہوسکتے ہیں لیکن آپ کو بتادیں کہ فی الحال اسے لے کر کسی بھی طرح کا آفشیل اعلان نہیں کیا گیا ہے۔
بتایا جارہا ہے کہ شاہ رخ خان نے ڈان تھری میں کام کرنے سے انکار کردیا ہے۔ اسی وجہ سے فلم کے پروڈیوسر رنویر سے اس لیڈ کیریکٹر کو لے کر بات چیت کررہے ہیں۔ یہ بھی بتایا جارہا ہے کہ فلم میکرز کے لیے اس فلم میں لیڈ ایکٹریس کی پہلی پسند کترینہ کیف ہے۔
بتادیں کہ رنویر سنگھ نے زویا اختر کے ساتھ دل دھڑکنے دو اور گلی بوائے جیسی فلمیں کی ہیں جو باکس آفس پر کامیاب رہی ہیں۔ دونوں کافی اچھا رشتہ رکھتے ہیں۔ ایسے میں مانا جارہا ہے کہ ایکسل انٹرٹیمنٹ جلد ہی ڈان تھری کے لیے رنویر سنگھ کو سائن کرسکتا ہے۔
ڈان تھری کو بھی زویا اختر پروڈیوس کرنے والی ہیں۔ مانا جارہا ہے کہ کنگ خان پچھلے سال ریلیز ہوئی فلم زیرو کی ناکامی کے بعد سے اپنے اگلے پروجیکٹ کو لے کر کافی سلیکٹیو ہو گئے ہیں۔ اسی وجہ سے کنگ خان نے راکیش شرما کی بائیوپک فلم سے ہاتھ کھینچ لیے تھے۔ اب ڈان تھری میں شاہ رخ خان کا نہ ہونا مداحوں کے لیے کافی بڑا جھٹکا دینے والی خبر ہوسکتی ہے۔
