حکومت بہار کی پہل سے ضلع کشن گنج کے اقلیتی طلبہ و طالبات کو مفت کوچنگ کی سہولت مہیا کرانے کے لئےآج توحید انسٹی ٹیوٹ آف انجینئرنگ اینڈ ٹیکنالوجی میں انٹرنس امتحان منعقد کی گئی۔
جس میں 50 سے 55 طلبہ و طالبات شامل ہوئیں. اس امتحان کا نتیجہ آئندہ 25 مارچ کو جاری کیا جائیگا۔
کوچنگ سے متعلق مزید جانکاری دیتے ہوئے سابق ایس ڈی ایم و رکن توحید ایجوکیشنل ٹرسٹ رہبر اسلم نے کہا کہ اقلیتی شعبہ (بہار) کی پہل سے توحید ایجوکیشنل ٹرسٹ کے زیر اہتمام مفت کوچنگ سینٹر کا اہتمام کیا گیا ہے جس کا مقصد اقلیتی طلبہ و طالبات اچھی تعلیم فراہم کرکے سرکاری نوکریوں میں جگہ دلانا ہے۔
انہوں نے کہا کہ اس کے تحت طلبہ و طالبات کو ریلوے، بینکنگ اور ایس ایس سی امتحانات کی مفت تیاری باصلاحیت اور تجربہ کار اساتذہ کرام کے ذریعہ کرائی جائے گی۔
رہبر اسلام نے بتایا کہ مفت کوچنگ کی سہولت ان ہی اقلیتی بچوں کو ملےگی جو آج منعقد امتحان میں پاس ہوں گے. امتحان کا نتیجہ 25مارچ کو جاری کیا جائےگا اور پڑھائی کی شروعات 1 اپریل سے شروع ہو جائے گی
وہیں کوچنگ کوآرڈینیٹر ندیم عالم نے کہا کہ امتحان کا ماحول پرسکون رہا۔ سبھی بچے سنجیدگی سے امتحان میں شریک ہوئے۔
غور طلب ہے کہ حکومت بہار کی اس پہل سے اقلیتی طلبہ و طالبات میں خوشی کی لہر ہے. طلبہ کا کہنا ہے کہ اس قدم سے اقلیتوں خاص کر مسلمانوں کے بچے بچیوں کو سرکاری نوکری میں جانے کا موقع ہوگا۔
