محبوب آباد: ریاست تلنگانہ کے ضلع محبوب آباد کے بیتھول علاقے میں وائی ایس آر ٹی پی کی صدر وائی ایس شرمیلا کو پد یاترا کے دوران مختلف گروپوں کے درمیان کشیدگی کے بعد گرفتار کر لیا گیا۔ انہیں احتیاطی تحویل میں لے کر حیدرآباد منتقل کردیا گیا۔ بیتھول علاقے میں شرمیلا کی میٹنگ کے مقام پر حکمران بھارت راشٹرا سمیتی (بی ایس آر) کے کارکنوں نے ہنگامہ کیا۔ بی آر ایس کے کارکنوں نے ہنگامہ آرائی کی اور وائی ایس آر تلنگانہ پارٹی (وائی ایس آر ٹی پی) کے کٹ آؤٹ اور فلیکسز کو گرادیا۔ اس کے بعد بی آر ایس اور وائی ایس آر ٹی پی کے کارکنوں کے درمیان جھڑپیں ہوئیں۔ موقع پر بڑی تعداد میں پولیس اہلکار تعینات تھے۔ پولیس نے جھڑپ کو روکنے کے لیے شرمیلا کو گرفتار کرکے ریاستی دارالحکومت حیدرآباد لے گئی۔
وائی ایس آر ٹی پی کے صدر نے اس وقت حکومت کو تنقید کا نشانہ بنایا جب پولیس نے انہیں پدا یاترا پر جانے کی اجازت دینے سے انکار کیا۔ حکام نے اجازت نہ دینے کی وجہ جھڑپ کو بتایا۔ وہیں بی آر ایس کارکنوں نے الزام لگایا کہ شرمیلا نے ان کی پارٹی کے ایم ایل اے شنکر نائک کے خلاف غیر ضروری تبصرہ کیا، جس کے بعد انہوں نے وائی ایس آر ٹی پی کے اجلاس کے مقام پر احتجاجی دھرنا دیا۔
مزید پڑھیں:۔ YS Sharmila Arrested پولیس نے وائی ایس شرمیلا کو کار سمیت کرین سے اٹھایا
واضح رہے کہ وائی ایس شرمیلا جب سے ریاست میں اپنی پرجا پرستانم پدایاترا شروع کی ہیں، وہ مسلسل تلنگانہ میں چندر شیکھر راؤ حکومت پر سخت حملہ کر رہی ہیں۔ اپنے بھائی اور اے پی کے چیف وائی ایس جگن موہن ریڈی کے ساتھ اختلافات پیدا ہونے کے بعد شرمیلا نے اپنی سیاسی ترجیحات تلنگانہ میں منتقل کر دی ہیں اور یہاں اپنی سیاسی پارٹی شروع کی ہے۔ محبوب آباد کے ایم ایل اے شنکر نائک کے خلاف مبینہ طور پر نامناسب تبصرہ کرنے کے الزام میں وائی ایس شرمیلا کے خلاف محبوب آباد ٹاؤن پولیس اسٹیشن میں ایس سی، ایس ٹی ایکٹ کے تحت مقدمہ درج کیا گیا تھا۔ محبوب آباد میں امن و امان کے مسائل سے بچنے کے لیے انہیں حیدرآباد منتقل کیا گیا ہے۔
