یوتھ کانگریس کے صدر سرینواس بی وی نے کہا ہے کہ 'ان کی تنظیم 17 ستمبر کو وزیر اعظم نریندر مودی کی سالگرہ کے موقع پر یوم بے روزگار منائے گی اور اس موقع پرپورے ملک میں مختلف پروگرام منعقد کرے گی'۔
انہوں نے بتایا کہ 'ملک کے نوجوان آج سڑکوں پر بے روزگار گھوم رہے ہیں اور حکومت سالانہ دو کروڑ نوکریاں دینے کے بڑے وعدے کر کے برسر اقتدار آئی، لیکن حکومت روزگار کے معاملے پر مکمل خاموش ہے'۔
انہوں نے بتایا کہ 'ملک کے نوجوان بے روزگار ہیں لیکن حکومت اپنا جھوٹا پروپیگنڈا پھیلا کر اس کی برانڈنگ میں مصروف ہے۔ ملک میں بے روزگاری کی شرح ایک سال میں 2.4 فیصد سے بڑھ کر 10.3 فیصد ہوگئی ہے۔ بے روزگاری سب سے بڑی وبا بن چکی ہے اور مودی حکومت کی خاموشی ملک کے نوجوانوں کو نقصان پہنچا رہی ہے'۔
مزید پڑھیں: اگر سلام کرنا غیر قانونی ہے تو میں نہیں کروں گا: خالد سیفی
یوتھ کانگریس کے قومی میڈیا انچارج راہل راؤ نے بتایا کہ 'ان کی تنظیم 17 ستمبر کو یوم بے روزگاری کے موقع پر پورے ملک میں بلاک، ضلع ، اسمبلی اور ریاستی سطح پر کئی پروگراموں کا اہتمام کرے گی'۔
یو این آئی
