اترپردیش حکومت نے تورج زیدی کو فخر الدین علی احمد میموریل کمیٹی کا چیئرمین مقرر کیا ہے، اس موقع پر انہوں نے ای ٹی وی بھارت سے خاص بات چیت کے دوران کہا کہ ان مقصد 'سب کا ساتھ سب کا وکاس' کے وعدے کو پورا کرنا ہے۔
انہوں نے کہا کہ عہدہ سنبھالنے کے بعد ان کی کوشش ہوگی کہ اقلیتی طبقات کے طلباء کی حوصلہ افزائی ہو اور تعلیمی میدان میں ان کو آگے بڑھنے کے مواقع ملیں۔ بہتر طریقے سے کمیٹی کا کام مسلمانوں تک پہنچ سکے۔ تورج زیدی نے کہا کہ بھارتیہ جنتا پارٹی اپنے کارکنان کو احترام دینا جانتی ہے اور معاشرے کے تمام طبقات کو ساتھ لے کر چلنے کا اپنا وعدہ پورا کر رہی ہے۔
زیدی نے کہا کہ اپوزیشن جماعتیں الزام لگاتی ہیں کہ ہم نے اقلیتی طبقات کو اچھوت بنا دیا ہے لیکن وہ اپنے دور میں سب کو گلے لگا کر 'سب کا ساتھ سب کا وکاس' کا نعرہ پورا کریں گے۔
مزید پڑھیں:۔ بڑھتی آبادی ترقی کی راہ میں رکاوٹ، خون سے خط لکھ کر قانون بنانے کا مطالبہ
واضح رہے کہ گزشتہ جمعرات کو ریاست کے وزیراعلی یوگی آدتیہ ناتھ نے شیعہ وقف بورڈ، مدرسہ ایجوکیشن کونسل، اردو اکیڈمی، اترپردیش اسٹیٹ حج کمیٹی اور فخر الدین علی احمد میموریل کمیٹی کے کئی ارکان اور چیئرمین کا اعلان کیا تھا جس میں تورج زیدی فخر الدین علی احمد میموریل کمیٹی کا چیئرمین مقرر کیا۔
