اقتدار میں آنے کے بعد آرٹیکل 370 کو بحال کرنے پر غور کریں گے: دگ وجے سنگھ

کانگریس کے رہنما دگ وجے سنگھ نے کہا ہے کہ اگر کانگریس دوبارہ اقتدار میں آئی تو وہ کشمیر میں آرٹیکل 370 کی بحالی پر غور کریں گے۔

کانگریس کے رہنما دگ وجے سنگھ نے ایک بار پھر متنازعہ بیان دیا ہے۔

انہوں نے کہا ہے کہ اگر کانگریس دوبارہ اقتدار میں آئی تو وہ کشمیر میں آرٹیکل 370 کی بحالی پر غور کریں گے۔

دگ وجے سنگھ کا یہ بیان سوشل میڈیا ایپ کلب ہاؤس کے ایک مبینہ ویڈیو لیک میں سامنے آیا ہے۔

امت مالویا کا ٹویٹ

بی جے پی کے انفارمیشن اینڈ ٹکنالوجی ڈپارٹمنٹ کے قومی انچارج امت مالویا نے کلب ہاوس ایپ پر کانگریس کے رہنما دگ وجے سنگھ کی گفتگو کی ویڈیو کو ٹویٹ کرتے ہوئے کہا کہ 'راہل گاندھی کے قریبی دگ وجے سنگھ نے ایک پاکستانی صحافی سے کہا ہے کہ اگر کانگریس اقتدار میں آئی تو وہ آرٹیکل 370 کو منسوخ کرنے کے فیصلے پر نظر ثانی کرے گی۔'

دگ وجے سنگھ کا ٹویٹ

سوشل میڈیا ایپ کلب ہاؤس پر ویڈیو وائرل ہونے بعد دگ وجے سنگھ نے ٹویٹ کرتے ہوئے کہا کہ 'ان پڑھ لوگوں کو shall اور consider کے درمیان فرق شائد سمجھ میں نہیں آتا۔'