عوامی نمائندوں کے برتاؤ میں بہتری لانے کی مہم چلائیں ووٹر: ایم وینکیا نائیڈو

نائب صدر ایم وینکیا نائیڈو نے کہا کہ ملک میں پارلیمنٹ، اسمبلیوں اور قانون ساز کونسل کی نظامت کو متاثر کرنے والے عوامی نمائندوں کے برتاؤ کی بابت ووٹر کو مہم چلانا چاہیے اور اپنے نمائندے سے خلل ڈالنے کے سبب سوال پوچھ کر اسے احساس دلانا چاہیے کہ اس نے ایوان میں غلط برتاؤ کیا ہے۔

ایم وینکیا نائیڈو نے سابق صدر پرنب مکھرجی کی پہلی برسی پر منعقد میموریل لیکچر میں انھیں خراج عقیدت پیش کرتے ہوئے کہا کہ عوام کو اراکین پارلیمنٹ، اراکین اسمبلی اور ایم ایل سی کے برتاؤ میں بہتری لانے کے لیے ’مشن 5000‘ کے تصور پر کام کرنا چاہیے۔

انہوں نےکہا کہ پانچ ہزار عوامی نمائندوں کے برتاؤ میں بہتری لانے کا کام مضبوطی سے ووٹر کر سکتے ہیں۔ عوام کو اس مہم کا حصہ بن کر اپنے نمائندوں کے برتاؤ میں بہتری لانے کی کوشش کرنی چاہیے۔

یو این آئی