نئی دہلی: نائب صدر جگدیپ دھنکھر نے بابائے قوم مہاتما گاندھی کی یوم پیدائش پر قوم کو مبارکباد دی ہے۔ نائب صدر کے سکریٹریٹ کی طرف سے ہفتہ کو یہاں جاری ایک بیان میں کہا گیا ہے کہ نائب صدر جمہوریہ نے مہاتما گاندھی کی یوم پیدائش کے موقع پر ہم وطنوں کو مبارکباد دی ہے۔ جگدیپ دھنکھر نے کہاکہ 'میں بابائے قوم کے یوم پیدائش گاندھی جینتی کے موقع پر ہم وطنوں کو دل کی گہرائیوں سے مبارکباد پیش کرتا ہوں۔'Gandhi Jayanti
انہوں نے کہا کہ مہاتما گاندھی جدید بھارت کی سب سے بااثر شخصیات میں سے ایک ہیں۔ وہ آج بھی دکھی انسانیت کے لیے امید کی کرن ہیں۔ ناانصافی کے خلاف ان کے ستیہ گرہ، ان کی عدم تشدد تحریک نے دنیا بھر کے بے شمار لوگوں کو متاثر کیا۔ انسان کی فطری بھلائی پر ان کا یقین، سچائی پر ان کے ایمان کی آج پہلے سے زیادہ ضرورت ہے۔
یہ بھی پڑھیں: کشتواڑ: گاندھی جینتی کے تحت صفائی مہم زوروں پر
یو این آئی
