امریکی صدر جو بائیڈن کے چیف میڈیکل ایڈوائزر، انتھونی فاؤچی نے اے بی سی نیوز کو انٹرویو دیتے ہوئے کہا کہ، "لوگوں کو وبا کے مکمل طور پر خاتمے کے لئے اور کورونا سے بچاؤ کے لیے کورونا ٹیکے لگانا چاہیے۔" بھارت دنیا کا سب سے بڑا ویکسین تیار کرنے والا ملک ہے۔ انہیں نہ صرف ملک کےاندر سے، بلکہ باہر سے بھی وسائل و ذرائع حاصل ہیں۔
انہوں نے کہا کہ، "یہی وجہ ہے کہ دوسرے ممالک کو یا تو ویکسین تیار کرنے میں بھارت کی مدد کرنی چاہئے یا ویکسین کا عطیہ کرنا چاہئے۔" ایک سوال کے جواب میں ڈاکٹر فاؤچی نے کہا کہ بھارت کو فوری طور پر عارضی اسپتال بنانے کی ضرورت ہے، جس طرح چین نے ایک سال قبل کیا تھا۔
فاؤچی نے کہا کہ، 'تمہیں اس طرح کرنا ہی پڑے گا۔ مریضوں کے لیے اسپتال میں بستر نہیں ہونے پر آپ لوگوں کو گلیوں میں نہیں چھوڑ سکتے۔ آکسیجن نہ ہونے کے سبب وہاں کے حالات بہت نازک ہیں۔ میرا مطلب ہے کہ لوگوں کو آکسیجن نہ مل پانا واقعی افسوسناک ہے۔
فاؤچی نے بتایا کہ اسپتالوں میں بستر، آکسیجن، پی پی ای کٹس اور دیگر طبی سامان کو فوری طور پر مہیا کرانا ضروری ہے۔ انہوں نے وائرس کے پھیلاؤ کو روکنے کے لئے ملک گیر لاک ڈاؤن کی ضرورت پر بھی زور دیا۔
