امراوتی: امراوتی میں ایک کیمسٹ امول کولہے کا نوپور شرما کا چند دنوں قبل بے دردی سے قتل کر دیا گیا۔ بعض ذرائع کا دعویٰ ہے کہ کیمسٹ کا قتل نوپور شرما کی حمایت میں متنازع پوسٹ کرنے کی وجہ سے کیا گیا۔ اس کیس میں پولیس نے کارروائی کرتے ہوئے شیخ عرفان شیخ رحیم سمیت سات افراد کو گرفتار کرلیا ہے۔ اس سلسلے میں ایک آڈیو کلپ وائرل ہورہا ہے، جس میں ڈاکٹر گوپال راٹھی اور رازق مرزا نامی نوجوان کے درمیان نوپورشرما سے متعلق گفت و شنید ہورہی ہے۔حالانکہ ای ٹی وی بھارت اس آڈیو کلپ کی تصدیق نہیں کرتا۔ Umesh Kolhe Murder Case: a doctor received call from unknown number
دراصل شہر کے ڈاکٹر گوپال راٹھی کو ایک رازق مرزا نام کے نوجوان نے فون کیا اور کہا کہ سر نمستے، آپ نے نوپور شرما کی حمایت میں واٹس ایپ اسٹیٹس کیوں رکھا ہے، یہ مناسب نہیں ہے؟ سر، آپ کیوں نوپور شرما کی حمایت کررہے ہیں جب کہ نوپور شرما کا پورا ملک مخالفت کررہا ہے۔ مذکورہ نوجوان نے کہا کہ اگر آپ ایسا کریں گے تو پورا شہر آپ کے خلاف ہوجائے گا۔ وہیں اس آڈیو کلپ کے وائرل ہونے کے بعد مذکورہ نوجوان کے خلاف مقدمہ بھی درج کرلیا گیا ہے۔
آپ کو بتادیں کہ مرکزی وزیر داخلہ امت شاہ نے امراوتی قتل کیس کا نوٹس لیا ہے۔ معاملہ این آئی اے کو سونپ دیا گیا۔ جیسے ہی یہ معلوم ہوا کہ یہ کیس این آئی اے کو سونپ دیا جائے گا۔ امراوتی پولیس نے تیزی سے کارروائی کی اور ملزمین کو گرفتار کرنا شروع کردیا۔ امراوتی پولیس نے یہ بھی واضح کیا کہ امول کولہے کا قتل نوپور شرما کی حمایت میں پوسٹ کرنے کی وجہ سے ہوا ہے۔ اس معاملے میں سات افراد کو گرفتار کیا گیا ہے۔
واضح رہے کہ ادے پور میں درزی کنہیا لال کو قتل کرنے سے ٹھیک ایک ہفتہ قبل 21 جون کو مہاراشٹر کے ضلع امراوتی میں ایک 54 سالہ کیمسٹ امیش پرہلاد راؤ کولہے کو قتل کردیا گیا تھا۔ یہ واقعہ 21 جون کی رات 10 بجے کے درمیان اس وقت پیش آیا تھا جب امیش کولہے اپنی امیت میڈیکل اسٹور بند کرکے گھر جارہے تھے۔ ان کے بیٹے سنکیت (27سالہ) اور ان کی بیوی ویشنوی دوسرے اسکوٹر پر ان کے ساتھ جا رہے تھے۔
پولیس میں درج اپنی شکایت میں سنکیت نے پولس کو بتایا تھا کہ ہم پربھات چوک سے آگے جا رہے تھے اور ہمارے اسکوٹر مہیلا کالج نیو ہائی اسکول کے گیٹ پر پہنچ گئی تھی کہ ایک موٹر سائیکل پر دو آدمی اچانک میرے والد کے اسکوٹر کے سامنے آگئے۔انہوں نے میرے والد کی موٹر سائیکل روکی اور ان میں سے ایک نے ان کی گردن کی بائیں جانب چاقو سے حملہ کیا۔ میرے والد گر گئے اور انکا خون تیزی سے بہنے لگا۔ میں نے اپنی اسکوٹر روکی اور مدد کے لیے چیخنے لگا۔ اس دوران ایک اور شخص آیا اور تینوں موٹر سائیکل پر سوار ہوکر موقع واردات سے فرار ہوگئے۔ آس پاس کے لوگوں کی مدد سے کولہے کو قریبی ایکسن ہسپتال لے جایا گیا جہاں علاج کے دوران ان کی موت واقع ہوگئی۔
مزید پڑھیں:۔ Udaipur Murder Case: ادے پور قتل معاملہ میں مزید چار ملزمان زیر حراست
