پیسے لے کر ویکسین لگانے والے دو افراد گرفتار

اس کے بدلے میں ملزمان لوگوں سے ڈھائی سو روپے فی خوراک وصول کررہے تھے۔ اس کی شکایت کی بنیاد پر تھانہ ایکوٹیک تھرڈ میں مقدمہ درج کر کے تفتیش شروع کی گئی۔

پولیس اسٹیشن ایکوٹیک تھرڈ نوئیڈا اتر پردیش نے محکمہ صحت غازی آباد کے وارڈ بوائے سمیت دو افراد کو گرفتار کیا ہے۔ دوسرا ملزم غازی آباد کے ایک پرائمری ہیلتھ سنٹر میں تعینات اے این ایم (سٹاف نرس) کا بہنوئی ہے۔ ملزمان سے بھاری مقدار میں ویکسین اور دیگر اشیاء برآمد ہوئی ہیں۔

پیسے لے کر ویکسن لگانے والے دوافراد گرفتار

سنٹرل نوئیڈا کے اے ڈی سی پی انکور اگروال کے مطابق کمیونٹی ہیلتھ سنٹر بسرخ میں تعینات ڈاکٹر سچیندر کمار مشرا نے پولیس کو بتایا کہ پچھلے کچھ دنوں سے دو لوگ لوگوں کے گھر جا کر ویکسین لگارہے ہیں۔

اس کے بدلے میں ملزمان لوگوں سے ڈھائی سو روپے فی خوراک وصول کر رہے تھے۔ اس کی شکایت کی بنیاد پر تھانہ ایکوٹیک تھرڈ میں مقدمہ درج کر کے تفتیش شروع کی گئی۔

پولیس تفتیش کے دوران پولیس نے گاؤں کھیڑا چوگن پور سے دو افراد کو گرفتار کیا۔

ان کی شناخت سشیل ساکن گاؤں کھڈنا کلاں تھانہ سورج پور اور روی کمار ساکن گاؤں پاوندری تھانہ کوتوالی نگر ضلع بلندشہر کے طور پر ہوئی ہے۔

انہوں نے بتایا کہ ملزمان کے قبضے سے 19 شیشیاں (4 استعمال شدہ) اور 155 سرنجیں (30 استعمال شدہ) کوویشیلڈ/کوویکسین/ٹی ٹی برآمد کی گئی ہیں۔