ٹی وی سیریل علی بابا داستانِ کابل اور فلم فطور کی اداکارہ تونیشا شرما کے بارے میں حیران کن خبر سامنے آئی ہے۔ ٹی وی اور فلمی دنیا کی مقبول اداکارہ نے 20 سال کی عمر میں خودکشی کر لی۔TV actress Tunisha Sahrma Dies at 20
تونیشا شرما نے کم عمری میں ہی کئی مشہور سیریلز اور فلموں میں کام کرکے اپنی خاص پہچان بنائی تھی۔ وہیں اچانک ان کی خودکشی کی خبر نے مداحوں کو حیران کر دیا ہے۔ تونیشا نے 6 گھنٹے قبل میک اپ روم میں اپنی زندگی ختم کرنے کا فیصلہ کیا۔ تونیشا کو فوری طور پر ہسپتال لے جایا گیا۔ جہاں انہیں مردہ قرار دے دیا گیا۔ ان کی خودکشی کے پیچھے کیا وجہ تھی، یہ ابھی تک سامنے نہیں آسکا۔ اگرچہ اداکارہ چند گھنٹے قبل سوشل میڈیا پر ایکٹو تھیں اور انہوں نے ایک پوسٹ بھی شیئر کی، جو تیزی سے وائرل ہو رہی ہے۔
واضح رہے کہ تونشا نے 'ویر پتر - مہارانہ پرتاپ' کے علاوہ 'چکرورتی اشوک سمراٹ' اور 'انٹرنیٹ والا لو' جیسے کئی شوز کیے ہیں۔ خودکشی کی افسوسناک خبر کے درمیان تونشا کی آخری انسٹاگرام پوسٹ بھی وائرل ہو رہی ہے۔ شیئر کی گئی تصویر میں وہ کچھ پڑھتی ہوئی نظر آ رہی ہیں۔ شیئر کی گئی تصویر کے ساتھ انہوں نے کیپشن میں لکھا کہ 'جو اپنے جنون سے متاثر ہوتے ہیں وہ رکتے نہیں ہیں۔
