برطانوی پولیس نے اتوار کے روز لیورپول کے ایک اسپتال کے باہر کار میں دھماکہ معاملے میں دہشت گردی کے قوانین کے تحت تین افراد کو گرفتار کر لیا۔
دھماکے میں ایک شخص کی موت ہو گئی ہے جبکہ دیگر زخمی ہوئے ہیں۔
انسدادِ دہشت گردی پولیس نے بتایا کہ تینوں افراد، جن کی عمریں 21 سے 29 سال کے درمیان ہیں، کو دہشت گردی ایکٹ کے تحت شمال مغربی انگلینڈ کے شہر کینسنگٹن کے علاقے سے حراست میں لیا گیا ہے۔
پولیس نے شہر کے ایک اور رہائشی علاقے کو بھی محاصرے میں لے لیا ہے۔ حالانکہ انہوں نے آپریشن کی تفصیلات ظاہر نہیں کی ہے۔
پولیس کو اتوار کی صبح لیورپول ویمنز اسپتال میں ٹیکسی میں ہونے والے دھماکے کی اطلاع ملی تھی۔
تصاویر میں اسپتال کے مرکزی دروازے کے قریب ایک گاڑی میں آگ کے شعلے دکھائی دے رہے ہیں۔
یہ دھماکہ اتوار کی صبح 11 بجے سے پہلے ہوا، جب برطانیہ بھر میں لوگ جنگوں میں ہلاک ہونے والوں کی یاد میں توقف کر رہے تھے۔
یہ بھی پڑھیں: برطانیہ میں مظاہروں کے دوران 8 پولیس اہلکار زخمی، 12 گرفتار
پولیس نے کہا کہ دھماکے کو دہشت گردانہ حملہ قرار نہیں دیا گیا ہے اور وہ اس کی وجہ کا پتہ لگا رہے ہیں۔ تاہم انسداد دہشت گردی پولیس تحقیقات کی قیادت کر رہی ہے۔
