پنجاب: 'تیسرا مورچہ' نے کسان تحریک کی حمایت کا فیصلہ کیا

پنجاب میں تیسرا مورچہ مرکزی زرعی قوانین کے خلاف تحریک کار کسانوں کی حمایت میں آ گیا ہے اور اس نے اپنے تمام سیاسی پروگرام منسوخ کر دیے ہیں۔

آزاد سماج پارٹی (اے ایس پی) کے ریاستی صدر راجیو کمار لولی نے اپنے ایک بیان میں یہ اطلاع دی کہ سنیُکت کسان مورچہ کی اپیل پر 'تیسرا مورچہ' نے کسان تحریک کی حمایت کا فیصلہ کیا ہے اور اس نے 12 ستمبر کو گورایا میں مجوزہ 'اجلاسِ کارکنان' سمیت اپنے تمام سیاسی پروگرام رد کر دیے ہیں تاکہ کسان تحریک کو مستحکم کیا جا سکے۔

انہوں نے بتایا کہ اس اجلاس میں 'تیسرا مورچہ' کی مستقبل کی حکمت عملی طے کرنے کے لیے رنجیت سنگھ برہمپترا، سکھدیو سنگھ ڈھینڈسا اور آزادسماج پارٹی کے قومی صدر چندر شیکھر آزاد سمیت 'تیسرا مورچہ'کے تمام اعلیٰ رہنما حصہ لینے والے تھے۔