Shopian Encounter: شوپیان ضلع میں دوسرا انکاؤنٹر ختم، دو عسکریت پسند ہلاک

جنوبی کشمیر کے شوپیان ضلع کے فیرپورہ کاپرن علاقے میں فورسز اہلکاروں اور عسکریت پسندوں کے مابین انکاؤنٹر ختم ہو چکا ہے، جس میں دونوں عسکریت پسندوں کے ہلاک ہونے کی اطلاع موصول ہوئی ہے جب کہ اس سے پہلے ضلع کے تلرن امام صاحب علاقے میں بھی انکاؤنٹر شروع ہوا تھا جس میں تین عسکریت پسند ہلاک ہوگئے تھے۔

شوپیان ضلع کے فیرپورہ کاپرن میں دوسرا انکاؤنٹر شروع اب ختم ہوچکا ہے۔ تفصیلات کے مطابق فوج کی 34 راشٹریہ رائفلز سی آر پی ایف کی 14 بٹالین اور جموں و کشمیر پولیس نے فیرپورہ کاپرن علاقے کو عسکریت پسندوں کی موجودگی کی اطلاع ملنے پر محاصرے میں لیکر تلاشی آپریشن شروع کیا تھا، اسی دوران چھپے ہوئے دو عسکریت پسندوں نے فورسز کے اہلکاروں پر فائرنگ شروع کردی۔ علاقے میں چھپے ہوئے دونوں عسکریت پسندوں کے ہلاک ہونے کی اطلاع موصول ہوئی ہے۔

واضح رہے کہ اس انکاؤنٹر سے کچھ گھنٹے قبل ضلع شوپیان کے ہی ترلن علاقے میں بھی فورسز اہلکاروں اور عسکریت پسندوں کے مابین انکاؤنٹر ہوا جس میں تین عسکریت پسند ہلاک ہوگئے ہیں۔