جموں و کشمیر کے ضلع راجوری کی تحصیل منجا کوٹ کی پنچایت نیلی میں محکمہ سوشل فاریسٹری کی طرف ''درخت لگاؤ، درخت بچاؤ'' پروگرام کا اہتمام کیا گیا۔
وہیں اس موقع پر سابق وزیر ڈی ڈی سی وائس چیئرمین شبیر احمد خان مہمان خصوصی کے طور پر موجود تھے اور بڑی تعداد میں سر پنچ و دیگر محکمہ کے ملازمین بھی موجود تھے۔
اس موقع پر ڈی ایف سوشل فاریسٹری نے لوگوں کو جنگلات بچاؤ اور ان کے فائدے کے متعلق جانکاری دی۔ وہیں سابق وزیر ڈی ڈی سی وائس چیئرمین شبیر احمد خان نے کہا کہ عوام زیادہ سے زیادہ درخت لگائیں تاکہ لوگوں کو اس سے فائدہ مل سکے۔
مزید پڑھیں:۔ ڈوڈہ: محکمہ جنگلات پر لاپرواہی کا الزام
انہوں نے لوگوں سے اپیل کی کہ وہ اپنے علاقے میں جنگلات کے تحفظ کو یقینی بنائیں تاکہ ہم کو ایک اچھا ماحول مل سکے۔ اس موقع پر بلال ڈویلپمنٹ آفیسر منجاکوٹ، رینج آفیسر منجاکوٹ اور ڈی ایف سوشل فارسٹری راجوری بھی موجود تھے۔
