کورونا دور میں زیکا وائرس کے کیسز کے منظر عام پر آجانے سے کیرالہ کی عوام پریشان ہے۔
کیرالہ میں زیکا وائرس کا پھیلاؤ مقامی طور پر تشویش کا باعث ہے۔ زیکا کےمزید 14 نئے کیس سامنے آئے ہیں۔ اس سے کیسوں کی کل تعداد 15 ہو گئی ہے۔ ان میں زیادہ تر صحت کے کارکن ہیں۔
زیکا وائرس کا پہلا کیس ترواننتا پورم کے پرسسالہ میں درج کیا گیا تھا۔ 24 سالہ حاملہ خاتون میں اس وائرس کی تشخیص ہوئی تھی۔ اس مہینے کی 7 تاریخ کو خاتون نے ایک بچے کو جنم دیا۔ ڈاکٹر نے سکون کی سانس اس وقت لی جب نومولود میں وائرس کی کوئی علامت نہیں تھی۔
یہ بھی پڑھیں:بھارت میں کورونا کے 43,393 نئے کیسز درج
ہسپتال کے عملے نے 19 افراد کے ٹیسٹ کیے اور 14 میں وائرس کی تشخیص کی گئی۔ڈاکٹروں نے انکشاف کیا کہ بخار، سر درد اور بدن درد زیکا وائرس کی علامت ہے۔ اس وائرس کی دوائی موجود نہیں ہونے کی وجہ لوگوں میں تشویش پائی جارہی ہے۔
