محرم الحرام 1443 ہجری کا چاند نظر آگیا، کل بروز بدھ یکم محرم الحرام اور یوم عاشور 20 اگست بروز جمعہ کو ہوگا۔ اسلامی سال کے پہلے ماہ کا چاند نظر آتے ہی سوشل میڈیا پر مبارکباد کا دور شروع ہو چکا ہے۔
راجستھان چیف قاضی خالد عثمانی نے بتایا کہ پیر کے روز چاند نظر نہیں آیا تھا اس لیے اسلامی سال کے پہلے ماہ محرم الحرام کی پہلی تاریخ بدھ کے روز ہو گی۔ انہوں نے کہا کہ محرم کے چاند نظر آنے کے ساتھ ہی نئے ہجری سال کا آغاز ہوجاتا ہے۔ اس ماہ کی دس تاریخ کو یوم عاشوراء کا تہوار منایا جاتا ہے۔ جو نہایت ہی فضیلت و بابرکت دن ہے۔
- مزید پڑھیں: ماہ محرم الحرام کی اہمیت و فضیلت
- محرم سے متعلق اتر پردیش حکومت کے سرکیولر پر قومی اقلیتی کمیشن کا نوٹس
وہیں یوم عاشورہ کے موقع پر دارالحکومت جے پور میں محرم کا جلوس بھی نکالا جاتا ہے، لیکن عالمی وبا کورونا کے کی وجہ سے گزشتہ برس بھی جلوس پر پابندی لگائی گئی تھی، رواں برس بھی محرم کا جلوس نکلے گا یا نہیں اس پر ابھی تذبذب برقرار ہے۔
