دہشت گردی کی کوئی حد نہیں: ایم وینکیا نائیڈو

نائب صدر ایم وینکیا نائیڈو نے کہا ہے کہ، 'دہشت گردی کی کوئی حد نہیں ہوتی اور یہ انسانیت کے لئے سب سے بڑا خطرہ ہے۔'

ایم وینکیا نائیڈو نے عالمی انسداد دہشت گردی ڈے کے موقع پر یہاں جمعہ کے روز جاری ایک پیغام میں کہا کہ، 'اس موقع پر ہمیں ان بے شمار محب وطنوں کو یاد کرنا چاہئے، جنہوں نے دہشت گردی کے خلاف جدوجہد کرتے ہوئے اپنی جانیں قربان کردیں۔'

ٹویٹ

ایم وینکیا نائیڈو نے کہا، 'یوم انسداد دہشت گردی کے موقع پر ہمیں اپنے ان بھائیوں اور بہنوں کو یاد کرنا چاہئے، جنہوں نے دہشت گردی کے خلاف اپنے آپ کو قربان کردیا۔'

انہوں نے کہا کہ، ' دہشت گردی کی کوئی حد نہیں ہوتی۔ دہشت گردی ہر جگہ امن کے لئے خطرہ ہے۔ عالمی شہری کے طور پر ہم سبھی کو انسانیت کے لئے دہشت گردی کے خلاف مل کر ہاتھ ملانا چاہئے۔'

یو این آئی