تلنگانہ میں 80،039 ملازمتوں پر تقرری کے لیے آج نوٹیفکیشن جاری کرنے وزیراعلی کے چندرشیکھرراؤ کے ریاستی اسمبلی میں اعلان پر مسرت کا اظہار کرتے ہوئے شہر حیدرآباد کی عثمانیہ یونیورسٹی میں طلبہ نے جشن منایا Students Celebrate at Osmania University۔
طلبا ریلی کی شکل میں عثمانیہ یونیورسٹی کے آرٹس کالج پہنچے، جہاں انہوں نے وزیراعلی کے اس اہم اعلان کا استقبال کیا اور جشن منایا۔ جشن منانے والوں میں ریاست کی حکمران جماعت ٹی آر ایس کی طلبہ تنظیم ٹی آر ایس وی سے وابستہ ارکان بھی تھے، جن کا کہنا تھا کہ وزیراعلی نے بے روزگار نوجوانوں کے دیرینہ خواب کی تکمیل کی ہے۔
مزید پڑھیں: CM KCR on Budget: بی جے پی حکومت کو اکھاڑ کے خلیجِ بنگال میں پھینک دینا چاہیے، کے سی آر
طلبا نے ان کے اس اعلان کو نیک فال قرار دیتے ہوئے اس یقین کا اظہار کیا کہ طلبا کو اس اعلامیہ سے فائدہ پہنچے گا۔ ان طلبا نے وزیراعلی کے چندر شیکھرراؤ کی تصویر کے ساتھ ٹی آرایس اور وزیراعلی کے حق میں نعرے لگائے۔
یو این آئی
