سرکاری ایئر لائن ایئر انڈیا کو ٹاٹا گروپ نے خرید لیا ہے۔ ایئر انڈیا کی فروخت کے عمل میں ٹاٹا گروپ نے سب سے زیادہ قیمت لگا کر بڈ جیت لی ہے۔ ٹاٹا گروپ اور اسپائس جیٹ نے ایئر انڈیا کے لیے بولی لگائی تھی۔
یہ دوسرا موقع ہے جب حکومت ایئر انڈیا میں اپنا حصہ فروخت کرنے کی کوشش کر رہی ہے۔ اس سے قبل 2018 میں حکومت نے کمپنی میں 76 فیصد حصہ فروخت کرنے کی کوشش کی تھی لیکن کوئی جواب نہیں ملا۔
یہ بھی پڑھیں: سوچھ بھارت مشن-اربن 2.0: وزیر اعظم مودی آج کریں گے لانچ
واضح رہے کہ حکومت نے ایئر انڈیا کے لیے فائیننشیل بڈز طلب کی تھی۔ حکومت اس مالی سال میں سرکاری ایئر لائن کی نجکاری کرنے کا ارادہ رکھتی ہے۔ یہ حکومت کے ڈس انویسٹمنٹ پروگرام کا بھی حصہ ہے۔
بتا دیں کہ ٹاٹا گروپ نے اکتوبر 1932 میں ٹاٹا ایئر لائن کے نام سے ایئر لائن کو تشکیل دیا تھا، جسے حکومت نے 1953 میں نجکاری سے پبلک سیکٹر میں شامل کیا تھا۔
