حکومت نے واضح کیا ہے کہ تمل ناڈو دیویندر کولا وللار برادری کو (ایس سی) کی فہرست سے باہر نہیں کیاگیا ہے۔
مرکزی وزارت سماجی انصاف اور امپاورمنٹ نے پیر کو یہاں بتایا کہ دیویندر کولا وللار برادری کو شیڈول ذاتوں کی فہرست سے خارج کرنے کے بارے میں میڈیا کے ایک حصے میں آنے والی اطلاعات سراسر غلط ہیں۔
وزارت نے واضح کیا ہے کہ یہ خبر گمراہ کن ہے اور اس سے حقیقت کا کوئی تعلق نہیں ہے۔ مرکزی کابینہ نے شیڈول ذات برادری کی (سات) اقسام کو منظوری دے دی ہے جو تمل ناڈو میں شیڈول ذاتوں کی فہرست کا حصہ ہوں گی۔
لہذا فہرست سے شیڈول ذاتوں کو خارج کرنے اور انہیں دیگر پسماندہ طبقات بنانے کے بارے میں بیان مکمل طور پر غلط ہے۔
وزارت نے بتایا ہے کہ تمل ناڈو کی درج فہرست ذات کے (سات) زمروں کے لئے بل لوک سبھا میں پہلے ہی لایا جاچکا ہے۔
