آگرہ: وزیراعظم نریندر مودی کے وزیر نے تجویز پیش کی ہے کہ تاج محل رات 10 بجے تک کھول دیا جائے۔ اس دوران سال بھر تاج محل کو مصنوعی روشنیوں سے روشن کیا جائے گا، تاکہ یہاں سیاح رات کو قیام کر سکیں اور سیاح رات کو تاج محل کا دیدار کریں گے۔ اس کے ساتھ ہی رام باغ سے مہتاب باغ تک یمنا ریور فرنٹ کی تعمیر پر ضلع ٹورازم اینڈ کلچرل کونسل کی میٹنگ میں معاہدہ کیا گیا ہے۔ تمام مسائل اب ریاستی حکومت کے ذریعے مرکزی وزارت سیاحت اور ثقافت کو بھیجے جائیں گے۔ مرکزی وزیر مملکت برائے قانون و انصاف ایس پی سنگھ بگھیل کی صدارت میں پیر کی شام کلکٹریٹ آڈیٹوریم میں ضلع سیاحت اور ثقافتی کونسل کی میٹنگ منعقد ہوئی، جس میں سیاحت سے متعلق تمام تجاویز رکھی گئی تھیں اور ان پر تبادلۂ خیال کیا گیا۔ مرکزی وزیر مملکت نے کہا کہ اگر تاج محل سال کے 365 دن شب و روز کھلا رہے گا تو شہر میں نائٹ کلچر میں اضافہ ہوگا۔ سیاحوں کے رات کے قیام سے سیاحت کا کاروبار عروج پر ہوگا۔ روزگار کے مواقع بھی بڑھیں گے۔ تاج محل کے ارد گرد مصنوعی روشنی کا انتظام کیا جائے۔ Tajmahal to be opened till 10 pm For Tourists
تاج محل کے ارد گرد ایسی لائٹس لگائی جائیں، جس سے کیڑے اور پتنگے نہ آتے ہوں۔ رام باغ سے تاج محل اور رام باغ سے دیال باغ تک ریور فرنٹ کو تیار کرنے کے علاوہ انہوں نے اعتماد الدولہ فتح پور سیکری آگرہ قلعہ میں لائٹ اینڈ ساؤنڈ شو منعقد کرنے کی بات کی۔ میٹنگ میں یمنا پر پُل کی تعمیر کی تجویز بھی پیش کی گئی۔ کونسل کے ارکان نے ایسی تمام تجاویز سے اتفاق کیا۔ مرکزی وزیر نے کہا کہ جلد ہی یہ تجاویز کونسل کی جانب سے حکومت کو بھیجی جائیں۔ ڈسٹرکٹ ٹورازم اینڈ کلچرل کونسل کی میٹنگ میں اس بات پر غور کیا گیا کہ تاج محل کے پیچھے گاؤں ناگلہ پیما میں محکمۂ جنگلات کی زمین پر بلایتی ببول کا گھنا جنگل ہے۔ محکمۂ جنگلات اور جنگلی حیات کی مدد سے علاقے میں 100 ایکڑ پر نائٹ سفاری تیار کی جا سکتی ہے۔ اس کے ساتھ ساتھ یادگاروں پر لائٹ اینڈ ساؤنڈ شو بھی منعقد کیے جائیں اور فتح پور سیکری میں تاج مہوتسو کے پروگرامز بھی منعقد کیے جائیں۔
مزید پڑھیں:۔ Taj Mahal on Covid alert بغیر کورونا جانچ کے تاج محل میں داخلہ ممنوع
اس موقع پر محکمۂ سیاحت نے تاریخ ورثے کے تحفظ کے حوالے سے بات کی۔ مختلف سیاحتی اور ثقافتی مقامات کے لیے اہم مقامات سے وابستہ افراد، فنکاروں اور مقامی کمیونٹی کی معاشی ترقی اور روزگار، سیاحت اور ثقافت کی ترقی کے نئے شعبوں کی نشاندہی اور سیاحت کے مختلف پہلوؤں، رہائش، خوراک، تفریح وغیرہ کو فروغ دینے کا کام ڈسٹرکٹ ٹورازم اینڈ کلچر کونسل کرے گی۔ ڈسٹرکٹ ٹورازم اینڈ کلچرل کونسل کی میٹنگ میں محکمۂ سیاحت نے بتایا کہ ضلع میں بٹیشور، جین زیارت گاہ شوری پور، بٹیشور مندر کمپلیکس، بٹیشور ایکو ٹورازم سائٹ، روحانی آرٹ گیلری، فتح پور سیکری کے سہان پور گاؤں میں واقع حویلی ہنومان مندر، کیلاش مندر، تحصیل فتح آباد میں شالا میبلی خورد اور گاؤں مدگل پورہ میں قدیم پورمدگل رشی پرنیت ماتا مندر سمیت دیگر تجاویز حکومت کو بھیجی گئی ہیں۔ یہاں بھی سیاحت کے فروغ کے لیے کروڑوں روپے کے کام کیے جائیں گے۔
