دبئی کرکٹ اسٹیڈیم میں کھیلے جارہے اس میچ میں نیوزی لینڈ کے کپتان کین ولیمسن نے ٹاس جیت کر بھارت کو پہلے بیٹنگ کی دعوت دی تھی۔
بھارت اور نیوزی لینڈ آج ٹی ٹوئنٹی ورلڈ کپ کے سیمی فائنل میں پہنچنے کی جنگ میں آمنے سامنے ہیں۔ جس میں پہلے بیٹنگ کرنے آئی بھارتی بلے باز نے ورلڈ کپ میں اپنی بدترین کارکردگی پیش کی ہے۔ کیوی بولنگ کے سامنے ہندوستانی بیٹنگ تاش کے پتوں کی طرح سے بکھر گئی۔
پہلے 7 اوورز میں ہندوستانی ٹاپ آرڈر کیوی گیند بازوں کے شکار ہوگئے جس میں ایشان کشن (4)، کے ایل راہل (18) اور روہت شرما (14) شامل ہے۔ اس کے بعد مڈل آرڈر بھی خراب کرکردگی کا مظاہرہ کیا۔ ویرات کوہلی 17 گیندوں میں 9 رنز بنانے کے بعد پویلین لوٹے، جس کے ساتھ ہی آدھی بھارتی ٹیم صرف 70 کے مجموعے پر پویلین لوٹ گئی۔
ہاردیک پانڈیا اور رویندرا جدیجا نے بالترتیب 23 اور 26 رنز کے ساتھ کچھ مزاحمت کی جس کے باعث بھارتی ٹیم بمشکل 100 رنز بنانے میں کامیاب ہوئی۔ بھارتی ٹیم نے مقررہ 20 اوورز میں 7 وکٹوں کے نقصان پر 110 رنز بنائے۔
نیوزی لینڈ کی جانب سے ٹرینٹ بولٹ نے بہترین بولنگ کا مظاہرہ کرتے ہوئے 20 رنز کے عوض 3 وکٹیں لیں جبکہ ایش سوڈھی بھی دو وکٹیں لینے میں کامیاب رہے۔ واضح رہے کہ دونوں ٹیموں کا ایونٹ میں یہ دوسرا میچ ہے اور دونوں ہی اپنے پہلے میچز میں پاکستان کے ہاتھوں شکست سے دوچار ہوچکی ہیں۔
