آئی سی سی ٹی 20 ورلڈ کپ کے سپر 12 میں اتوار کو نیوزی لینڈ نے افغانستان کو آٹھ وکٹوں سے شکست دے دی۔ اس کے ساتھ ہی بھارت کی سیمی فائنل میں پہنچنے کی امیدیں بھی ختم ہوگئیں۔
ٹاس جیت کر بیٹنگ کا فیصلہ کرتے ہوئے افغانستان نے 20 اوور میں 8 وکٹوں پر 124 رنز بنائے۔ جواب میں نیوزی لینڈ کی ٹیم نے ہدف 18.1 اوورز میں 2 وکٹوں کے نقصان پر پورا کرلیا۔
ٹیم کی جانب سے کپتان کین ولیمسن اور ڈیون کانوے نے 56 گیندوں میں 68 رنز کی شراکت داری کرکے ٹیم کو فتح دلائی۔
یہ بھی پڑھیں: T20 World Cup 2021: جیت کے بعد بھی جنوبی افریقہ سیمی فائنل سے باہر
جیت کے ساتھ ہی نیوزی لینڈ کی ٹیم ٹورنامنٹ کے سیمی فائنل میں پہنچ گئی۔ افغانستان کی جانب سے مجیب الرحمان اور راشد خان نے ایک ایک وکٹ حاصل کیں۔
