مغربی بنگال کی کلکتہ ہائی کورٹ میں پیشگی ضمانت نامنظور ہونے کے بعد ترنمول کانگریس کے رہنما شیخ صوفیان نے سپریم کورٹ سے رجوع کیا تھا. Anticipatory bail denied in Calcutta High Court. سپریم کورٹ میں سماعت کے دوران جسٹس ناگیشور راؤ اور جسٹس بی آر گورور کی بینچ معاملے کی سماعت کرتے ہوئے ترنمول کانگریس کے رہنما کی گرفتاری پر روک لگادی گئی ہے. جب کہ 28 جنوری کو اگلی سماعت کی تاریخ دی ہے.
ذرائع کے مطابق سی بی آئی کی جانب سے توشار مہتا اور ترنمول کانگریس کے رہنما کی جانب سے تجربہ کار وکیل کپل سبل نے اپنی اپنی دلیلیں عدالت میں پیش کی.
اس سے قبل اسمبلی انتخابات 2021 کے پہلے اور اس کے بعد مغربی بنگال میں سیاسی جماعتوں کے حامیوں کے درمیان خونی جھڑپوں اور سیاسی تشدد کے واقعات کی تحقیقات کے دوران سی بی آئی نے شیخ صوفیان سمیت ترنمول کانگریس کے کئی رہنماؤں کو قصوروار قرار دیا ہے.
سی بی آئی کی جانب سے کلکتہ ہائی کورٹ میں ترنمول کانگریس کے رہنماؤں کو گرفتار کرکے پوچھ گچھ کرنے کے لئے عرضی داخل کی گئی تھی.
یہ بھی پڑھیں:
واضح رہے کہ گزشتہ سال مغربی بنگال میں اسمبلی انتخابات 2021 کے دوران ترنمول کانگریس کی سربراہ ممتا بنرجی مشرقی مدنی پور ضلع کے نندی گرام سے الیکشن لڑی تھی جہاں انہیں شھبندو ادھیکاری کے ہاتھوں شکست کا سامنا کرنا پڑا تھا. نندی گرام اسمبلی حلقے میں شیخ صوفیان ترنمول کانگریس کی سربراہ ممتا بنرجی کے پولنگ ایجنٹ تھے ان پر سیاسی تشدد کے واقعات میں ملوث ہونے کا الزام ہے.
