جج اشوک بھوشن اور جج آر سبھاش ریڈی کی بینچ نے پی چدمبرم کے بیٹے کارتی چدمبرم کو دو کروڑ روپے جمع کرنے کی شرط پر بیرون ملک جانے کی اجازت دے دی۔
بینچ نے لوک سبھا کے رکن پارلیمان کارتی چدمبرم کو ہدایت دی کہ 'وہ اپنے غیرملکی دورہ کی مکمل تفصیلات دستیاب کرائیں۔ انہیں یہ بھی بتانے کو کہا گیا ہے کہ وہ بیرون ملک میں کہاں کہاں رکیں گے۔ عدالت نے انہیں یہ اجازت چھ ماہ کے لئے دی ہے۔'
مزید پڑھیں: سونیا اور راہل گاندھی کو ہائی کورٹ کا نوٹس
عرضی گزار کی طرف سے پیش وکیل کپل سبل نے عدالت سے درخواست کی کہ 'مذکورہ رقم کو سود دینے والے اکاؤنٹ میں جمع کرانے کی اجازت دی جانی چاہئے۔ اس بینچ نے رضامندی ظاہر کرتے ہوئے کہا کہ 'وہ نیشنلائزڈ بینک میں رقم جمع کرانے کی ہدایت دے گی'۔
خیال رہے کہ کارتی چدمبرم ایئرسیل ۔ میکسس سودے اور آئی این ایکس میڈیا غیرملکی سرمایہ کاری معاملے میں ضمانت پر جیل سے باہر ہیں۔
یو این آئی
