سونو سود نے بیک گراونڈ ڈانسرز کو عطیہ کئے راشن کٹس

بالی ووڈ اداکار سونو سود بیگ گراؤنڈ ڈانسرز کی مدد کے لئے آگے آئے ہیں اور انہیں کورونا بحران کے دوران راشن کٹس عطیہ کئے ہیں۔

سونو سود کورونا بحران کے وقت ضرورت مندوں کی مدد کرنے میں پوری طرح شریک ہیں۔ سونو سود اور کوریوگرافر راہل شیٹی نے بیک گراؤنڈ ڈانسرز کی مدد کے لئے ہاتھ بڑھایا ہے ۔ سونو اور راہل نے سنے ڈانسرز ایسوسی ایشن کے ممبران کو راشن کٹس عطیہ کی ہیں۔

ایسوسی ایشن کے زاہد شیخ نے کہا ’’راہل شیٹی نے ہمارے ممبران کے لئے راشن کٹس بھیجی ہیں۔ ہم بہت خوش ہیں کہ سونو سر ڈانسرز کی مدد کے لئے آگے آئے ہیں جو کہ گزشتہ سال مارچ سے مسلسل کام کر رہے ہیں‘‘۔