اسٹوڈنٹس اسلامک آرگنائزیشن آف انڈیا(SIO) کے قومی صدر محمد سلمان احمد کا کہنا ہے کہ تینوں زرعی قوانین (Farm Laws)کو منسوخ کرنے کا فیصلہ ملک بھر کے کسانوں اور عوام کی جدوجہد اور قربانیوں کی جیت ہے۔
انہوں نے کہا کہ یہ ایک یاد دہانی ہے کہ اکثریت پسند قوتیں عوام کی خواہشات کو نظر انداز نہیں کر سکتیں اور رائے عامہ کو خاموش نہیں کرایا جا سکتا۔
ہم حکومت سے مطالبہ کرتے ہیں کہ کسانوں کے دیگر جائز مطالبات کو بھی فوری طور پر پورا کیا جائے اور اُن تمام قوانین اور پالیسیوں کو جو جمہوری عمل اور عوام کی مرضی کو پامال کرتے ہوئے بنائی گئی ہیں ان کو بھی جلد از جلد منسوخ کیا جائے۔
مزید پڑھیں:۔ Farm laws: غلام نبی آزاد کا رد عمل، کہا زرعی قوانین کی منسوخی خوش آئند
قابل ذکر ہے کہ زرعی قوانین (Farm Laws) کے بل پاس ہونے سے قبل ہی اس کی مخالفت شروع ہو گئی تھی جس کے بعد دہلی کی مختلف سرحدی علاقوں میں کسانوں کے ذریعے احتجاج کیا جا رہا تھا، ان احتجاجی مظاہرے کو کم و بیش ایک برس مکمل ہو چکا ہے اس دوران سات سو سے زائد کسانوں نے زرعی قوانین کی مخالفت کرتے ہوئے اپنی جانیں قربان کردی ہیں۔
،