Know Muhammad Campaign in Gujarat: ایس آئی او گجرات نے 'محمدﷺ کو جانو مہم' کی شروعات کی

ایس آئی او آف انڈیا گجرات نے محمدﷺ سے متعلق غلط فہمیوں کے ازالے کے لیے مہم کی شروعات کی ہے۔ یہ مہم 5 اگست سے 15 اگست تک چلے گی۔ اس مہم کا مقصد ملک کے تمام لوگوں کو اللہ کے رسول صلی اللہ علیہ وسلم کی سیرت سے واقف کرانا اور ان کی دی گئی تعلیمات کو لوگوں تک پہنچانا ہے۔

احمدآباد: اسٹوڈنٹس اسلامک آرگنائزیشن گجرات کی جانب سے نبی کریم آپ صلی اللہ علیہ وسلم کی سیرت کے تعلق سے تمام مذاہب کے لوگوں میں بیداری پیدا کرنے کے لیے محمدﷺ کو جانو مہم (know Muhammad campaign) کی شروعات کی گئی ہے۔ اس تعلق سے ایس آئی او گجرات کے زونل سیکریٹری منور حسین شیخ نے کہا کہ ایس آئی او کی جانب سے محمدﷺ کو جانو مہم (know Muhammad campaign) کی شروعات کی گئی ہے۔ یہ مہم 5 اگست سے 15 اگست تک چلے گی۔ ملک بھر میں اسلام کے تعلق سے جو باتیں اور غلط فہمیاں پھیلائی جا رہی ہیں۔ اس کے ازالے کے لیے ایس آئی او نے یہ مہم شروع کی ہے، جس سے ہم چاہتے ہیں کہ ملک کے تمام لوگ اللہ کے رسول صلی اللہ علیہ وسلم کی سیرت کو جانیں اور سمجھیں اور ان کی دی گئی تعلیمات کو لوگوں تک پہنچائیں۔ ہم اسلام کے تعلق سے پھیلائی جا رہی غلط فہمیوں کو دور کرنا چاہتے ہیں۔