امریکہ کے جنوبی کیرولینا کے کولمبیا کے ایک شاپنگ مال میں اندھادھند فائرنگ سے 12 افراد زخمی ہو گئے۔ کولمبیا پولیس ڈپارٹمنٹ نے یہ اطلاع دی۔ پولیس چیف ولیم اسکیپ ہالبروک نے ہفتے کے روز کہا کہ فائرنگ میں کوئی ہلاک نہیں ہوا لیکن کل دس افراد گولیوں کی زد میں آئے، جب کہ بھگدڑ کے دوران دو دیگر زخمی ہوئے۔ ہالبروک نے کہا کہ متاثرین کی عمریں 15 سے 75 سال کے درمیان ہیں جن میں سے زخمیوں میں سے دو کی حالت تشویشناک ہے۔
پولیس چیف کا کہنا تھا کہ فائرنگ کا واقعہ مال میں تین افراد کے درمیان جھگڑے کے بعد پیش آیا۔ تینوں کو حراست میں لے لیا گیا ہے۔
(یو این آئی)
