آپ کی زمین آپ کی نگرانی کے تحت آن لائن سسٹم مرتب

محکمہ مال کے کشمنر سیکرٹری کی جانب سے جاری ایک سرکیولر میں کہا گیا ہے کہ شہریوں کو آن لائن طریقہ کار سے اراضی سے متعلق ریکارڈ تک رسائی حاصل ہوگی۔

جموں و کشمیر انتظامیہ نے اراضی ریکارڈ معلوماتی نظام کے تحت "آپ کی زمین آپ کی نگرانی" کے عنوان سے آن لائن سسٹم مرتب کیا ہے تاکہ عوام کو آن لائن طریقہ کار سے اراضی ریکارڈ تک رسائی حاصل ہوسکے۔

حکومت کی جانب سے محکمہ مال کے کشمنر سیکرٹری نے ایک سرکیولر جاری کیا ہے جس میں کہا گیا ہے کہ شہریوں کو اراضی سے متعلق معلومات تک آن لائن طریقہ کار سے رسائی حاصل ہوگی۔

سرکیولر میں کہا گیا ہے کہ اراضی ریکارڈ تک رسائی کی سہولیات کے لیے پنچایت گھروں اور سی ایس سی مراکز نوڈل پوائنٹس قائم کیے جائیں گے۔ وہیں ضلع ترقیاتی کمشنرز کو اس بات کو یقینی بنانے پر زور دیا گیا ہے کہ وہ ان نوڈل پوائنٹوں پر معقول کاؤنٹرز کا قیام عمل میں لا کر عملے کو تعیناتی کریں جبکہ آن لائن پورٹلز سے متعلق سبھی اضلاع میں بیداری مہم شروع کریں۔

جاری کردہ سرکیولر میں مزید کہا گیا ہے کہ پورٹلز پر شہریوں کی جانب سے درج شکایت کا ضلع ترقیاتی کمشنرز ہفتہ وار بنیادوں پر انتظامی سیکریٹریز کے جائزے کے ساتھ وقت مقررہ کے دوران ازالہ کریں گے۔

وہیں تمام تحصیلداروں کو آن لائن پورٹلز پر "لاگ اِن" کرنا اور اپنے دائرہ اختیار میں جمع بندی وغیرہ کا مشاہدہ کرنے کو بھی لازمی قرار دیا گیا ہے۔