مظفر نگر: 2009 کے ایک مقدمے میں پیشی کے لیے ریاست اترپردیش کے ضلع مظفر نگر کورٹ میں پہنچے بی جے پی کے رکن اسمبلی سنگیت سوم نے وسیم رضوی کے بیان کی حمایت کرتے ہوئے کہا کہ سناتن دھرم دنیا کا سب سے اچھا مذہب ہے۔ اس موقع پر سنگیت سوم نے مدارس کے تعلق سے متنازع بیان دیتے ہوئے کچھ مدارس کو دہشت گردی کو فروغ دینے والا ادارہ قرار دیا۔
انہوں نے کہا کہ ان مدارس کی وجہ سے دیگر تعلیمی ادارے بھی بدنام ہو رہے ہیں۔ تبدیلیٔ مذہب پر بات کرتے ہوئے سنگیت سوم نے کہا کہ بڑے پیمانے پر ہندو نوجوانوں کو لالچ دے کر ان کا مذہب تبدیل کیا جا رہا ہے۔ مذہب تبدیل کرنے والے لوگوں کے خلاف جلد سخت کارروائی کی جائے گی۔
مزید پڑھیں:۔ مرنے کے بعد مجھے دفنانے کے بجائے جلایا جائے: وسیم رضوی
انہوں نے کہا کہ 2009 پارلیمانی انتخابات میں ہمارے خلاف 144 اور 188 کے تحت ہمارے خلاف مقدمہ درج کیا گیا تھا اور آج اسی مقدمے کے سلسلے میں مظفر نگر ایم پی ایم ایل اے کوٹ میں تاریخ تھی جس کے لیے وہ عدالت میں پیش ہوئے۔
