میرٹھ میں آج سماج وادی پارٹی کی جانب سے تیل قیمتوں میں ہو رہے مسلسل اضافے کے خلاف آواز اٹھاتے ہوئے مختلف انداز میں حکومت ہند کے خلاف احتجاجی مظاہرہ کیا گیا۔
پٹرول کی قیمتوں میں اضافہ کے خلاف سماج وادی پارٹی کا احتجاج
بیل گاڑی میں سوار ہوکر ضلع کلکٹریٹ پہنچے ان سماج وادی رہنماؤں کا کہنا تھا کہ حکومت تیل کی قیمتوں پر لگام لگانے میں ناکام ثابت ہو رہی ہے جس کی وجہ سے تیل کی قیمتیں آسمان چھو رہی ہیں اور اس کا خمیازہ عوام کو بھگتنا پڑ رہا ہے۔
احتجاجیوں نے کہا کہ حکومت کو فوری طور پر تیل کی قیمتیں کم کرنی ہوں گی ورنہ سماج وادی پارٹی حکومت کے خلاف آواز اٹھاتی رہے گی تاکہ عوام کو ایسی ناکارہ سرکار سے نجات مل سکے۔
پیٹرول اور ڈیزل کی قیمتوں میں اضافے کے بعد اب خوردنی تیل میں بھی غیر معمولی اضافہ دیکھا جا رہا ہے ایسے میں سماج وادی پارٹی کے احتجاج کا حکومت پر کتنا اثر پڑتا یہ آنے والا وقت ہی بتائے گا۔
