ریاست اترپردیش اسمبلی انتخابات UP Assembly Election کے ووٹوں کی گنتی Vote Rigging کے دوران دھاندلی کے امکان کے پیش نظر سماجوادی پارٹیSmajvadi Party کے کارکنان نے گزشتہ شب ڈی ایم کی رہائش گاہ پر مظاہرہ کیا اور ان سے ملنے کی کوشش کی، لیکن ڈی ایم سیلوا کماری نے ان سے ملنے سے انکار کرتے ہوئے آج اگلی ملاقات کے لیے کہا۔
وہاں پر سماجوادی پارٹی کے امیدواروں کو روکے جانے سے انتظامیہ کی نیت پر سوالیہ نشان اٹھنا لازم ہے۔ شکایت لے کر وہ ضلع الیکشن افسر اور ڈی ایم کے پاس گئے، لیکن ڈی ایم نہیں ملے اور اگلے دن آنے کو کہا جس کی وجہ سے کارکنان نے ڈی ایم کی رہائش گاہ کا محاصرہ کیا۔
سماجوادی پارٹی کی چھارا اسمبلی کی امیدوار لکشمی دھنگر نے بھی کاؤنٹنگ کی جگہ کا دورہ کیا۔ انہوں نے انتظامیہ پر سوالیہ نشان اٹھائے ہیں۔ لکشمی دھنگر نے الزام عائد کرتے ہوئے کہا کہ 'بی جے پی کے سابق رکن اسمبلی سنجیو راجہ اور انل پراشر کے اسٹاک روم میں داخل ہونے کی اطلاع ملی، تو میں نے بھی وہاں پہنچ کر یہ اندر جاکر یہ دیکھنے کی کوشش کی کہ وہاں کیا ہو رہا ہے تو مجھے روک دیا گیا۔ اور جب اب ہم ڈی ایم سے ملاقات کر شکایت کرنے آئے ہیں تو ڈی ایم نے ہم سے ملاقات کرنے کے لیے منع کر دیا۔
- مزید پڑھیں: Election Commission On EVM Issue: ای وی ایم میں چھیڑ چھاڑ کے الزام پر الیکشن کمیشن کا بیان
واضح رہے کہ ریاست اترپردیش اسمبلی انتخابات کے ووٹوں کی گنتی 10 مارچ یعنی کل ہونی ہے۔ ایگزٹ پول کے بعد سماجوادی پارٹی کے سربراہ اکھلیش یادو نے بھی ای وی ایم میں دھاندلی اور دھاندلی سے ووٹ چوری ہونے کا امکان ظاہر کیا ہے۔
انہوں نے الیکشن کمیشن کو خط لکھ کر ہیکنگ کا خدشہ ظاہر کرتے ہوئے گنتی کی جگہ پر موبائل جیمرز لگانے کا مطالبہ کیا ہے۔ اس کے ساتھ انہوں نے کارکنان سے کہا ہے کہ وہ رات بھر نگرانی کریں۔
