دربھنگہ: سیف الرحمن نے بہار پبلک سروس کمیشن میں کامیاب حاصل کی

سیف الرحمن نے کہا کہ ملک میں کئ طرح کے ادارے ہیں جو مسلم نوجوانوں کو تعلیمی میدان میں آگے بڑھانے کی کوشش کر رہے ہیں، انہیں فائدہ اٹھانا چاہیے، مایوس نہیں ہونا چاہئے۔ اس بار بہار پبلک سروس کمیشن میں اچھی تعداد میں مسلم طلباء بھی کامیاب ہوئے ہیں۔

ریاست بہار کے ضلع دربھنگہ کے کیوٹی بلاک حلقہ کے بارہ سمیلا گاؤں کے رہائشی عبدالمبین کے ہونہار فرزند سیف الرحمن نے بہار پبلک سروس کمیشن کے 65ویں کے جواینٹ مقابلہ جاتی امتحان میں ملکی اور ریاستی سطح پر 191واں مقام حاصل کیا ہے۔

ان کی اس کامیابی سے گاؤں والے کافی خوش ہیں کہ سیف الرحمن نے پورے ملک میں گاؤں کا نام روشن کیا ہے، یہ اس گاؤں کے واحد نوجوان ہیں جنہوں نے بہار پبلک سروس کمیشن میں کامیاب ہونے کا فخر حاصل کیا ہے۔ سیف الرحمان کو بہار حکومت کے ایجوکیشن سروس میں پوسٹنگ ملے گی۔

اس موقع پر ای ٹی وی بھارت اردو سے گفتگو کرتے ہوئے سیف الرحمن نے کہا کہ مسلم نوجوانوں کو سچر رپورٹ پرھنا چاہیے، ابھی ماحول سازگار ہے ان کو لگن اور محنت سے تیاری کرکے اس سروس میں آنا چاہیے.

انہوں نے کہا کہ ملک میں کئ طرح کے ادارے ہیں جو مسلم نوجوانوں کو تعلیمی میدان میں آگے بڑھانے کی کوشش کر رہے ہیں، انہیں فائدہ اٹھانا چاہیے، مایوس نہیں ہونا چاہئے۔ اس بار بہار پبلک سروس کمیشن میں اچھی تعداد میں مسلم طلباء بھی کامیاب ہوئے ہیں۔

سیف الرحمن کے والد جھارکھنڈ پولس سروس سے انسپکٹر کے پوسٹ سے رٹائرڈ ہیں، انہوں نے کوچنگ کے علاوہ ذاتی مطالعہ پر بھی توجہ دی۔ وہیں ابھی بھی بہار پبلک سروس کمیشن کے 66ویں جوائنٹ امتحان میں مینس نکال چکے ہیں اور انٹرویو کی تیاری کر رہے ہیں، ساتھ ہی یو پی ایس سی کی بھی تیاری کر رہے ہیں۔