اجمیر سٹی کانگریس کی جانب سے سبکدوش ہونے والے سٹی صدر وجے جین کی قیادت میں سچن پائلٹ کی سالگرہ کے موقع پر شہر کے مختلف علاقوں میں دس ہزار پودے لگا کر ماحول کو بچانے کا پیغام دیا جائے گا۔
اسی طرح ہیمنت بھاٹی جو کہ اجمیر جنوبی علاقے سے اسمبلی امیدوار رہے، پائلٹ کی سالگرہ اپنے حامیوں کے ساتھ اپنے علاقے میں پانچ ہزار پودے لگا کر منائیں گے۔ دونوں طرف سے پودے لگانے کی تیاریاں کی جا رہی ہیں۔
ایک اور تصدیق شدہ اطلاع کے مطابق پودے لگانے کے مذکورہ دو پروگراموں کے علاوہ کانگریسی پائلٹ کو ان کی سالگرہ کے موقع پر شہر سے ملحقہ علاقوں مثلا ماخوپورہ، کھاجپورہ، ہٹونڈی وغیرہ میں پانچ ہزار پودے لگا کر مبارکباد دیں گے۔
مزید پڑھیں: مودی نے ڈی اروند کے بچوں کے ساتھ کافی وقت گزارا
سٹی کانگریس کے ساتھ دیگر تمام لوگ اپنے علاقے میں وارڈ کی سطح پر پودوں کی تقسیم کا کام کریں گے۔ ذرائع کا کہنا ہے کہ سچن پائلٹ کی سالگرہ کے موقع پر پوری ریاست میں دس لاکھ پودے لگانے کا ہدف مقرر کیا گیا ہے۔
یو این آئی
