وزیر اعظم نریندر مودی نے آج روزگار میلے کے پروگرام میں شرکت کی۔ انہوں نے ویڈیو کانفرنسنگ کے ذریعے تقریباً 71,000 نئے بھرتی ہونے والوں میں تقرری کے خطوط تقسیم کیے۔ اس پروگرام کے بعد پی ایم مودی نے لوگوں سے خطاب کیا۔ اپنے خطاب میں پی ایم مودی نے کہا، "بیساکھی کے اس پرمسرت موقع پر مرکزی حکومت کے مختلف محکموں میں 70,000 سے زیادہ نوجوانوں کو سرکاری نوکریاں ملیں۔ ایک رپورٹ کے مطابق اسٹارٹ اپس نے 40 لاکھ براہ راست اور بالواسطہ ملازمتیں پیدا کی ہیں۔ بھارت ملک کے شہری اور دیہی علاقوں میں روزگار پیدا کر رہا ہے۔ روزگار کے نئے مواقع پیدا کرنے کے لیے کھلونا صنعت کو وسعت دی گئی ہے۔'
انہوں نے کہا کہ 'مرکزی حکومت کے مختلف محکموں میں 70,000 سے زیادہ نوجوانوں کو سرکاری نوکریاں ملی ہیں۔ آپ سب کو مبارک ہو۔ این ڈی اور بی جے پی قیادت والی ریاستوں میں سرکاری نوکری دینے کا سلسلہ جاری ہے۔ مدھیہ پردیش میں کل ہی 22000 سے زیادہ اساتذہ کو تقرری نامہ سونپا گیا۔ واضح رہے کہ حکومت نے ایک سال کے اندر مرکزی حکومت میں تقریباً 10 لاکھ نوکریاں فراہم کرنے کا اعلان کیا ہے۔ اس کے تحت پہلا پی ایم روزگار میلہ گزشتہ سال 22 اکتوبر کو منعقد ہوا تھا جس میں 75 ہزار سرکاری نوکریاں دی گئیں۔ واضح رہے کہ مودی حکومت اپنے بڑے بڑے اعلانات اور دعوؤں کے برعکس کم تعداد میں نوکریاں پیدا کرنے کی وجہ سے اپوزیشن کے نشانے پر رہتی ہے۔
