سورت کے کوسامبا میں ایک ٹرک نے فٹ پاتھ پر سو رہے مزدوروں کو بری طرح روند دیا جس میں 15 افراد جائے واردات پر ہی ہلاک ہوگئے۔
بتایا جا رہا ہے کہ ٹرک کی ٹریکٹر سے ٹکر ہوگئی جس کے بعد ٹرک ڈرائیور کے کنٹرول سے باہر ہوگئی اور یہ المناک حادثہ پیش آیا۔
تمام ہلاک شدہ مزدور راجستھان کے بتائے جا رہے ہیں۔
اطلاعات کے مطابق گذشتہ رات کِم مانڈوی روڈ پر پلوڈ گام کے قریب فٹ پاتھ پر سو رہے کنبہ کو ڈمپر نے کچل دیا جس میں 15 افراد موقع پر ہی ہلاک ہوگئے جبکہ 8 کو تشویشناک حالت میں ہسپتال منتقل کیا گیا ہے۔
واقعہ کی اطلاع ملتے ہی ضلعی پولیس کے اعلی عہدیداروں سمیت پولیس کی بھاری فورس موقع پر پہنچ گئی اور ڈمپر ڈرائیور اور کلینر کو گرفتار کرلیا۔
پولیس نے بتایا کہ ڈرائیور نشے کی حالت میں گاڑی چلا رہا تھا۔
بتایا جا رہا ہے کہ ٹریکٹر سے ٹکرانے کے بعد ڈمپر، ڈرائیور کے قابو سے باہر ہوگیا اور مزدوروں کو کچل دیا۔
